සුභ දවසක්. අද ඔන්න ක්‍රියාදාම වලින් පිරුන තායි චිත්‍රපටියක් දෙන්නයි මේ සූදානම. තායි චිත්‍රපටි වල ඇත්තටම හොඳ අපූරු සටන් ජවනිකා දැකගන්න අපිට නිතරම පුළුවන් වෙනවා. ඒ වගේම මේ චිත්‍රපටියෙත් ඒක එහෙම්මයි. තම මව්පියන්ගේ ඝාතකයන් සොයා යන පළිගැනීමේ පිපාසයෙන් සිටිනා පුතුන් දෙපළකගේ කතාවක් තමයි මේ චිත්‍රපටියේ ඇතුළත් වෙලා තියෙන්නේ.
කතාව මේකයි,
තාන් සහ ති නවයොවුන් වියේ දෙමාපියන් අහිමි තරුණයින් දෙදෙනෙක්. තම දෙමාපියන් අහිමි වීමෙන් පසු මොවුන් දෙදෙනා සිය මාමා ලෙසින් හඳුන්වන පුද්ගලයෙකු සමග හැදීවැඩේ. කාර්මික දැනුම පිළිබඳ මනා දැනුමක් සිය මාමාගෙන් ඉගෙනගන්නා මෙම දෙපළ ඔහුගේම කුඩා ගරාජයක සාමාන්‍ය දිවිපෙවෙතක් ගත කරගෙන යයි. තම මවුපියන්ගේ මරණය පිළිබඳ කලක සිට කුතුහලයෙන් සිටිනා තිට දිනක් යම් ස්ථානයක තිබි තම මව්පිය ඝාතකයන්ගේ විශේෂ වැදගත් රහස් තොරතුරු රාශියක් හමුවේ. මෙයින් නොසන්සුන් වන තිගේ මාමා තී හට බැන වදිමින් දෙදෙනා අතර දබරයක් ඇතිවේ. ඉන්පසු පලිගැනීමේ චේතනාවින් නිවස අතහැර පිටත්ව යන තීට ඉතාමත් ක‍ටුක අත්දැකීම් රාශියකට මුහුණ දීමට සිදුවේ. මේ සියලු කරදර බාධකයන් වලට මුහුණ දීමට තීට සිදුවෙන්නේ යම් ගැහැණු ළමයෙකුගේ ආරක්ෂාව තකා යම් කටයුත්තක් කිරීමට අයෙක් විසින් ඔහුව යොදවන නිසාවෙනි.
කවුද මෙයාලගේ අම්මා තාත්තව මරලා තියෙන්නේ ? මොනවද ඒ ති හොයා ගන්න විශේෂ රහස් තොරතුරු ? ඇයි මේ දේවල් හොයා ගත්තු නිසා තිගේ මාමා තිට බනින්නේ ? කවුද මේ මාමා කියන කෙනා ? තිට වැඩක් පවරන කෙනා කවුද ? කවුද මේ ගැහැණු ළමයා ?
උත්තර දැනගන්න චිත්‍රපටිය එහෙනම් අරගෙන බලන්න.
 |
පරිවර්තනය හා උපසිරැසි ගැන්වීම “UDshehan“ |
