Monster (2003)

Monster (2003) Sinhala Subtitles | උමතු වූ වේශ්‍යාව [සිංහල උපසි‍රැසි සමග]

Quality: Year: Duration: 109 MinView: 1,981 views
131476 votes, average 7.3 out of 10

2003 වසරේ තිරගත වූ මෙම Monster චිත්‍රපටිය 1989-1990 යන වසර තුළ සිදු වූ සත්‍ය සිදුවීමක් පාදක කරගෙන නිමවූවකි. ගණිකා වෘත්තියේ නියැලෙන තම සේවාදායකයන් මරා දමන මැයගේ ජීවිත කතාව හා ඊට හේතූ වූ කරණු බොහොම සංවේදී හා සිත් ඇදගන්නා අයුරින් මෙම චිත්‍රපටියේ නිර්මාණය කර තිබේ. IMDB දර්ශකයේ 7.3ක් වැනි ඉහළ ජනතා ප්‍රසාදයක්ද හිමි කර ගැනීමට මෙම චිත්‍රපටිය සමත් වී තිබෙන අතර Box office ආදායම් වාර්තා ලෙස ඇමරිකානු ඩොලර් මිලියන 64.2ක මුදලක්ද ඉපයීමට සමත්ව ඇත. සම්මාන ‍රැසකින්ම පුදුම් ලැබූ මෙම සිනමා පටය ඔබගේ හිත් ඇදගන්නා බව නොවනුමානයි.

අයිලීන් වුර්නෝර්ස්ගේ ජීවිත කතාව හා ඇය මෙලෙස මිනීමැරීමට පෙළඹීමට හේතූ වූ කරණු ඇතුළත් සවිස්තරාත්මක සටහනකි මේ,

Monster-2003-1

”මම මිනිස් ජීවිත වලට බෙහෙවින් වෛර කරන නැවැත මිනී මැරීමට පෙළඹෙන අයෙකි. ඉතින් මොනවද තවත් බැලීමට තිබෙන්නේ ! එය ලබා දෙන්න. මා මෙයින් ඉල්ලා සිටින්නේ ෆ්ලොරිඩාවේ ශ්‍රේෂ්ඨාධිකරණයෙන් මෙය දෙස බලා මීට පියවරක් ගන්නා ලෙසයි.” – අයිලීන් වුර්නෝර්ස්

(මරණ දඩුවම ලබා දෙන ලෙස ඉල්ලා ෆ්ලොරිඩාවේ ශ්‍රේෂ්ඨාධිකරණයට අයිලීන් දෙනු ලැබු ලිපිය, වසර 2001 ජූනි මස)

අයිලීන් වුර්නෝර්ස් ද ඉතිහාසයේ පළමු සැලසුම් සහගත මිනී මරන්නිය බවට සැලකෙන්නේ ?

නෑ. අයිලීන් ප්‍රථම සැලසුම් සහගත මිනී මරන්නිය ලෙස මාධ්‍ය විසින් හුවා දැක්වූවද පිරිමින් තරම්ම කාන්තාවනුත් ඉතිහාසයේ ඕනෑ තරම් පුද්ගල ඝාතන සිදුකර තිබේ. නමුත් මෙහෙදි ඝාතන ක්‍රමය තරමක් වෙනස් වී තිබේ, කාන්තාවන් දැඩි රුචිකත්වයක් දක්වන්නේ වස ලබා දීමටයි, නමුත් අයිලීන් මෙහිදි තම ඝාතන සිදුකර තිබෙන්නේ තුවක්කුවක් යොදාගෙනයි. මේ නිසා වන්නට ඇති අයිලීන් ප්‍රථම සැලසුම් සහගත මිනී මරන්නිය ලෙස වැරදි අයුරින් වටහාගෙන ඇත්තේ.

මීට උදාහරණයක් වශයෙන් වසර 1981 ටෙක්සාස්, සැන් ඇන්ටෝනියෝ හී බෙක්සාර් ප්‍රාන්ත රෝහලේ ළමා රෝග අංශය විසින් කළ සොයා බැලීමකට අනූව එහි ළදරුවන් 25කට ආසන්න සංඛ්‍යාවක් පමණ හිටි හැටියෙම හෘදයාබාධ හා ලේ ගැලීම් සිදු වී මිය යන බව සොයා ගන්න ලදි. මෙම බොහෝ මරණ සිදු වී ඇත්තේ බලපත්‍රලාභී වෘත්තීය හෙදියක් වන ජෙනීන් ජෝන්ස් ළදරුවන් ‍රැකබලා ගනිමින් සිටියදි බව රෝහල ඉතා ඉක්මනින් අනාවරණය කර ගත්තේය.

Monster-2003-2

පසුව ආසන්න වශයෙන් සිදු විය ඇති මුළු ළදරු මරණ 43ක පමණ ප්‍රමාණය නිසාවෙන් මේ පිළිබඳව විමර්ශන කටයුතුද පැවැත්වුනි, මහා ජුරි සභාව ජෙනී ජෝන්ස්ට එරෙහිව අධිචෝදනා ගොනු කළේය. එක් රෝගියෙකුගේ සිරුරට පමණ ඉක්මවා ඖෂධ ලබා දී ඇති බව සොයා ගැනීමෙන් අනතුරුව ඇයට මිනීමරුම් චෝදනා එල්ල විය. දෙවන නඩු විභාගයේදී ඇය වෙනත් දරුවෙකුට රුධිරය තුනී කිරිමේ ඖෂධයක් වන හෙපටින් අධික ලෙස ලබා දීම සම්බන්ධයෙන් වැරදිකරු විය. 1984 දී මෙම නඩු විභාගය නිසා ටෙක්සාස් හී රෝහල් ඇගේ ‍රැකියා වාර්තා ඉරා විනාස කර දැමීමට පටන් ගත්තේය. ඇය එසේ කළේ ඇයි ? ඇතැම් දරුවන් බේරා ගැනීමට ඇයට හැකි වූ විට වීර වරියක් ලෙසින් සිටීමට හැක බව නිසා වන්නට ඇතියි.

Monster-2003-3

 

Monster-2003-4

(රූපය – ජෙනීන් ජෝන්ස් හේතුවෙන් තම දරුවා නැති වූ මවක්)

 

Monster-2003-5

(රූපය – වර්තමානයේ ජෙනීන් ජෝන්ස්)

 

අයිලීන් වුර්නෝර්ස් සිදුකර ඇති මිනීමැරිම් සංඛ්‍යාව කොපමණද ?

මිෂනාරිවරයෙකු ඇතුළු පුද්ගලයින් 7 දෙනෙකු ඝාතනය කළ බව අයිලීන් පිළිගත්තේය. ඇය වැරදිකරු වූයේ මිනිසුන් 6 දෙනෙකු ඝාතනය කිරීම සම්බන්ධයෙනුයි, ඒ මිෂනාරිවරයාගේ දේහය කිසි විටෙකත් සොයාගත නොහැකි වීම නිසයි. Monster චිත්‍රපටියේ අතුරුදහන් වන හත්වන පුද්ගලයා අයිලීන්ගේ අවසන් ගොදුරට බෙහෙවින් සමානය.

අයිලීන් වුර්නෝර්ස් මෙලෙස ඝාතන සිදුකරේ ඇයි ?

එකල පාසල් වියේ පසු වූ අයිලීන්ගේ මව විසින් ඇයව අතහැර දමා යාමෙන් පසුව ඇය තම ආච්චී සීයා ‍රැකවරණය යටතේ සිටියහ. ඇයට කිසි දිනක මුණ නොගැසි ඇති ඇගේ පියා බන්ධනාගාරයක ගෙල වැලලාගෙන මියගොස් තිබේ. 7 හැවිරිදි දැරියක් දූෂණය කිරීම සම්බන්ධයෙන් ඔහුට ජීවිතාන්තය දක්වා සිර දඩුවම් ද නියම කර තිබුණි. අයිලීන් පවසා තිබෙනවා තම සීයා විසින් තමාව වයස අවුරුදු 13 දී දූෂණය කර දැමු බව. වයස අවුරුදු 14 දී අයිලීන් කුඩා පිරිමි දරුවෙකුද බිහි කර දරුවා අතහැර දමනවා. එම දරුවා ඉපදුණු විගස ඇගේ ආච්චි මිය යනවා. අයිලීන් පසුව පාසලෙන් ඉවත් වී නිවස හැර දමා ගණිකාවක් බවට පත්විය. පසු වසරේදි අයිලීන්ගේ සීයා සියදිවි නසාගත් අතර ඇගේ සහෝදරයා කීත් පිළිකාවක් හේතුවෙන් මිය ගියේය. ළමා කාලයේදි ඇයට සිදු වූ මෙම දේවල් කිසිසේත්ම ඇගේ වත්මන් ක්‍රියාවන්ට යුක්ති සහගත කිරීමක් නොවිය යුතුය, නමුත් ඇයට කුඩා කල සිදු වූ මෙම දේවල් නිසාවෙන් නිසැකවම දැඩි මානසික පීඩනයක් ඇයට ඇති වන්නට ඇතියි. තම පළමු මිනීමැරුම ඇය සිදුකරනු ලැබුවේ ආත්මාරක්ෂාවට බවත් තමාට හා තම පෙම්වතිය ටයිරියා මුවර්ට මුදල් ඉපයීමේ මාර්ගයක් ලෙසින් බවද ඇය පවසා සිටින ලදි. අයිලීන්ට ටයිරියා මුවර්ව මුණ ගැසි තිබෙන්නේ ඩේටෝනා හී සමලිංගික තැබැරුමකදීය.

Monster-2003-6

(රූපය – අයිලීන් වුර්නෝර්ස් පෙර පාසල් අවදියේදි )

 

අයිලීන් වුර්නෝර්ස් විවාහා වී සිටියාද ?

ඔව්. ෆ්ලොරිඩාවට පැමිණ කෙටි කලකට පසු අයිලීන් ලුවිස් ෆෙල් නම් දුම්රිය සේවා කටයුතු වලින් මුදල් උපයන මහලු පුද්ගලයෙකුව විවාහ කරගත්තේය. තැබැරුම්කරුවෙකුට අයිලීන් පූල් පන්දුවකින් හිසට පහර දීම නිසා ඇයව මිචිගන් හී නිවසේදි අත්අඩංගුවට පත් වීමෙන් අනතුරුව ෆෙල් විසින් වාරණ නියෝගයක් අයිලීන්ට ලබා ගන්නා ලදි. අයිලීන් තමන්ගේ මුදල් නාස්ති කළ බවත් ඇයට වැඩි මුදලක් අවශ්‍ය වූ විට තම වේවැලෙන් පහර දෙන බවත් ලුවිස් ෆෙල් ප්‍රකාශ කිරීමෙන් පසුව විවාහය අවලංගු කරන ලදී.

අයිලීන්ගේ ප්‍රථම ඝාතනය ආත්මාරක්ෂාව සඳහා වූවක් බවට සාක්ෂි තිබේද ?

කලක් යන තුරාවට මෙය අවිනිශ්චිතව පැවතුනි. තම මෙම ප්‍රකාශයද ඔප්පු කිරීමට ඇයට නොහැකි වුනි. 1992 ජනවාරි මාසයේදී රිචඩ් මල්ලොරි ඝාතනය කිරීම සම්බන්ධයෙන් අයිලීන් වරදකරු කරනු ලැබීය. එම වසරේ නොවැම්බරයේදී ඩේට්ලයින් NBC වාර්තාකරු මිෂෙල් ගිලන්ස් විසින් රිචඩ් මල්ලොරි වෙනත් ප්‍රාන්තයක අමානුශික ලෙස ලිංගික දුෂණය කිරීමකට වසර 10ක් දඩුවම් විඳ ඇති බව සොයා ගන්නා ලදී. අයිලීන්ට කිසි විටෙකත් නැවත නඩු විභාගයක් ලබා දුන්නේ නැත.

මරණ දඩුවමට නියමව සිටියදී අයිලීන් නීත්‍යානුකූලව දරුකමට හදා ගැනීමට අරන් තිබේද ?

ඔව්. එය චිත්‍රපටියේ පෙන්වා නොතිබුණද, මරණීය දණ්ඩනය නියමව සිටියදී යහළු මිත්‍රකමට උපකාර පිණිස අයිලීන්ව නීත්‍යානුකූලව දරුකමට හදා ගැනීමට ආර්ලීන් පර්ලේ කටයුතු කරේය, එසේ කිරීමට දෙවියන් වහන්සේගෙන් ඇයට අණ ලැබුණු බව කියා සිටියාය.

අයිලීන් වුර්නෝර්ස් මරණ දණ්ඩනයට නියම වීමට කැමති වූවද ?

ඔව්. අයිලීන් අවස්ථා දෙකකදී ෆ්ලොරිඩාවේ ශ්‍රේෂ්ඨාධිකරණ විනිසුරුවරුන් හත්දෙනෙකුට ලිපියක් යවමින් ඉල්ලා සිටියේ ඇයගේ අභියාචනය අවලංගු කරන ලෙසයි.

අයිලීන් වුර්නෝර්ස්ට මරණ දණ්ඩනය ලබා දුන්නේ කිනම් අයුරින්ද ?

අයිලීන් වුර්නෝර්ස් 2002 ඔක්තෝබර් 9 වන දින ෆ්ලොරිඩා ප්‍රාන්ත බන්ධනාගාරයේදී මාරාන්තික විස එන්නතක් ලබා දීම මගින් මරා දමන ලදි.

මෙම ලබා දී ඇති උපසි‍රැසිය BlueRay සහ DVD පිටපත් සදහා අදාල වේ.

[su_qrcode data=”https://www.upasirasi.com/monster-2003-sinhala-subtitles-6366.html” size=”70″]

UDshehan සටහන පරිවර්තනය හා උපසිරැසි ගැන්වීම “UDshehan”

2 thoughts on “Monster (2003) Sinhala Subtitles | උමතු වූ වේශ්‍යාව [සිංහල උපසි‍රැසි සමග]”

  1. සුපිරි ලිපියකුත් එක්ක මේ සැරේ සබ් එක දීලා තියෙන්නෙ මේ වගේ දිගටම සබ් දෙන්න

Leave a Reply

Your email address will not be published. Required fields are marked *