අපූරු රසවත් කතා තේමාවක් ඔස්සේ නැරබිය හැකි ඉතාමත් උසස් රසවින්දනයක් ගෙන දෙන චිත්‍රපටියක් ලෙස ඔයාලට කියන්න මම පැකිලෙන්නේ නැහැ. මෙහි දර්ශන තල සුන්දර එංගලන්තයේ ලන්ඩන් නුවර සිදු වී තිබෙනවා.
කතාව ගැන කෙටියෙන් කියනවා නම් , ලෝසන් වතුයාය සසෙක්ස් ප්‍රාන්තයේ තියෙන විශාල , සුන්දර , පැරණි එමෙන්ම වටිනාකමින් ඉතා ඉහල වතුයායක්. මේ වතුයාය හා බංගලාව හිමිව තිබූ අමා ලෝසන් මහත්මිය මිය යන්නේ මේ සියළු දේපල ඉන්දියාවේ සිටි ඇය විසින් හදා වඩා ගන්නා ලද ගොළු , බිහිරි යුවතියක් වූ ශෘති හට ලියා තබමින්. ඉතින් ඇය එංගලන්තයට එන්නේ තමන්ගේ මව වැනි වූ අමා ලෝසන් මහත්මියගේ අවසාන කැමත්ත නිසාවෙන්. ශෘතිව අමා ලෝසන් මහත්මියට මුණ ගැසුණු හැටි , ඇයව ලෝසන් මහත්මිය ආදරයෙන් හදා වඩා ගත් හැටි , ඈ සමග සියල්ල හුවමාරු කරගත් ආකාරය මේ සිනමා නිර්මාණය තුල නිර්මාණකරුවා හරි අපූරුවට මුහු කර තිබෙනවා.
ශෘති ලන්ඩන් නුවරට පැමිණි ලෝසන් වතු යායට පැමිනි පසු ඇය ලෝසන් වතු යායේ බංගලාවට පැමිණි පසු අත්භූත දේවල් රාශියක් ඇති වෙන්නට ගන්නවා. ඇය පිළිගන්නට මල් නෙලන්නට ගිය ඕලා නම් සේවිකාව එහි මුල් බිල්ල බවට පත් වනවා. එසේ පටන් ගත් බිල්ලේ ආරම්භය බංගලාව තුල සියළු සේවකයන් බිලි ගන්නට පටන් ගන්නවා. අවසන උපතින්ම කතා කිරීමටත් , ඇසීමටත් නොහැකි ශෘති පමණක් එහි තනි වනවා. ඇය ඇගේ උපතින් ගෙනා දුර්වලතා පසක තබා තනිව මේ අත්භූත ඝාතකයා සමග සටන් වදිනවා.
සමාලෝචනය: Pramod Gamage
