අද කතාව කෙටියෙන් :
කතාව බැලුව නම්, මතක ඇතිනේ ඔයාලාට කලින් කොටසෙදි බෘක්ලින්ටයි කෙන්ජිටයි මුණ ගැහෙන්නේ කවුද කියලා! ඔව්! ඒ “බෙන්” තමයි.
පළවෙනි සීසන් එකේදී ඔයාලට මතක ඇති බෙන් සෑහෙන්ඩ උඩකින් බිමට වැටෙනවා, ඩේරියස්ගේ අත ලිස්සලා ගිහින්! ඔව්, ඉතින් කොහොමද බෙන් එච්චර උඩකින් පහළට වැටිලත්, පණ පිටින් ඉන්නේ..,? මේ කොටසෙදී යන්නේ, “බෙන් කොහොමද බේරුණේ..? බෙන් කොහෙද මෙච්චර කල් හිටියේ..? බෙන් කියන්නේ ඉතින් පොඩි දේටත් භයවෙන කෙනෙක් නේ! එහෙම කෙනෙක් කොහොමද මෙච්චර කල් අතුරු ආබාධයක් නැතුව පණ ගැටගහ ගත්තේ කියලා.!”
වෙන්නේ මෙහෙමයි, බෙන් උඩින් වැටෙද්දිම වගේ, Pterosaur කෙනෙක් (මතක ඇතිනේ අර පියාඹන වවුලා වගේ ඉන්න ඩයිනොසරයාව) බෙන්ව අල්ලගන්නවා, ඉතින් බෙන්ව එක Pterosaur කෙනෙක් අල්ල ගද්දී, තව එකෙක් ඇවිල්ලා පොරකනවා. මෙහෙම ඉතින් පොරකනවනේ ගොදුරක් ලබාගන්න ඕනේම සතෙක්. කොහොම හරි බෙන්ව ඒ Pterosaurගේ අතිනුත් බිමට වැටෙනවා. බිමට වැටිලා බෙන්ට සිහි නැති වෙනවා.
බෙන්ට සිහිය එද්දී, ළඟ ඉන්නේ “බම්පි” විතරයි! මතකනේ, බෙන්ට විද්යාගාරයේදී හම්බෙන Ankylosaurus ඩයිනෝව! ඩයිනෝසරයන් පිරුණු කැලේක යාළුවොත් නැතුව ඉන්න වුණාම ඉතින් කොහොමද කියලා ඔයාලම හිතාගන්නකෝ! බේරෙන්න හිතාගෙන බම්පිත් එක්කම කැලේට එහාට මෙහාට ඇවිදිද්දී, ඔයාලට මතක ඇතිනේ පළවෙනි සීසන් එකේදී ඩේරියස්ලා අන්තිම කොටසෙදි පුපුරවලස් හරින ඩයිනෝව! ඒ ඩයිනෝව බෙන්ගේ ඉස්සරහටම මුණ ගැහෙනවා කරුමෙට වගේ. එතනිනුත් යන්තමට වගේ බෙන් පණ බේරගන්නවා.
ඉන්න හිටින්න කියලා බෙන් ගස් කොළ අතු කීපයක් එකතු කරගෙන, පුංචි කූඩාරමක් හදාගන්නවා. තමන්ට කියලා හදාගත්තට මොකද ඒකෙන්ම බාගයක්ම බම්පි බදු අරගෙන. ඉතින් බෙන්ට ලැබුණේ ඉඳගෙන ඉන්න තරම්වත් ඉඩ නැති පොඩි ඉඩ ප්රමාණයක්. ඉතින් දවස් ගාණක් තිස්සේ මෙහෙම බම්පි බෙන්ගේ කුඩාරම ඉඩ අහුරගන්නවා. දිගින් දිගටම මේක ඉවසන්න බැරි හින්දම බෙන් කෑගහලා භය කරලා බම්පිව එලව ගන්නවා. දුරදිග නොහිතා ඒ කරපු වැඩේ හින්දා බෙන්ට ඉන්න වෙන්නේ දැන් දන්න කෙනෙක්ට කියලා හිටපු බම්පිවත් නැතුව!
” ඉතින් බෙන්, බම්පිව ආයේ හොයාගන්නේ කොහොමද?”
” බෙන්ට තව කරදර වලට මූණ දෙන්න සිද්ධ වෙයිද?”
කතාවේ ඔයිට වඩා දෙයක් කියන්න මම යන්නේ නෑ, එහෙනම් කතාව ඔයාලම බලන්නකෝ!
හැමෝටම සුභ දවසක් !! ජය වේවා!! 👍👍
thnx
තෑන්ක් සබ් එකට