Fate: The Winx Saga [S01 E01] Sinhala Subtitles | වතුරට සහ වනයට [සිංහල උපසිරැසි සමඟ]

ආයුබෝවන් කියලා සිනමා රසික රසිකාවියන්ව අදත් ආදරයෙන් වගේම සාදරයෙන් පිළිගන්නවා. අද මං ඔයාලට ගේන්නේ.. Fate: The Winx Saga (2021) කතාමාලාවයි. මේ කතාමාලාව එහෙමත් නැත්නම් මේ ටී.වී සීරිස් එක 7/10 ක IMDb අගයක් ලබාගෙන තියෙනවා. ඒවගේම තමයි මේ සීරිස් එක අයත් වෙන්නේ Action(ක්‍රියාදාම), Adventure(වික්‍රමාන්විත) සහ Drama(නාට්‍ය) යන කාණ්ඩයන්ටයි. මේ කතා මාලාව නිකුත් වුණේ 2021 ජනවාරි මස 22 වෙනිදා. මේ කතාමාලාවත් මං වෙනදා ගෙනාපු ඇනිමේෂන් සීරිස් වගේ Netflix ඉදිරිපත් කරන කතාමාලාවක්. හැබැයි මේක ඇනිමේෂන් සීරිස් එකක් නම් නෙමෙයි.

කතාව ගැන යමක් සඳහන් කරනව නම්.. මේ කතාමාලා ගෙතෙන්නේ මායා ලෝක, මායා බල වගේ දේවල් එක්ක. කොටින්ම කියනව නම් මේක ෆැන්ටසියක්. ෆැන්ටසි කිව්වාම තේරෙනවනේ ඒ කියන්නේ සුරංඟනා කතාවක් වගේ කියලා. ඔව්, මේ කතාමාලාවේ ඒ ගැනත් සඳහන් වෙනවා. මේ කතාවෙදී මිනිස් ලෝකයයි, සුරඟන ලෝකයයි කියලා ලෝක දෙකක් තියෙනවා. මිනිස් ලෝකේ ගැන ඉතින් අමුතුවෙන් කියන්න දෙයක් නෑනේ.. ඒකේ ඉන්න අපි වගේ සාමාන්‍ය මිනිස්සු. ඒ වුණාට මේ කතාවෙදි ඒ මිනිස් ලෝකෙදි ඉන්න මායා බල තියෙන ළමයි ඉන්නවා. ඒ ළමයිගේ මායා බල පාලනය කරන්න පුරුදු පුහුණු කරන්නේ මේ අනිත් ලෝකේදි තමයි. ඒ කියන්නේ සුරඟන ලෝකෙදි. මේ ලෝකෙදි කිව්වට ඒක කරන්නේ සුරඟන ලෝකේ තියෙන පාසලක. සුරඟන ලෝකේ හා මිනිස් ලෝකය අතර ගමන් කරන්න රහස් දොරකුත් තියෙනවා. ඒවගේම තමයි මේ සුරඟන ලෝකේ ආරක්ෂා කරන්න කියලා බාධකයකුත් තියෙනවා. ඒ මොකටද කියලා කතාව බලන ඔයාලට දැන පුළුවන් වෙයි. කතාවේ චරිත ගැන යමක් කිව්වොත් බ්ලූම්, “බ්ලූම්” කියන්නේ මේ කතාමාලාවේ ඉන්න ප්‍රධාන චරිතය. එයා අවුරුදු 16 ක පොඩි ගෑණු ළමයෙක්. ඉතින් මේ බ්ලූම්ටත් තියෙනවා. මායා බලයක්. ඉතින් බ්ලූම් මේ සුරඟන පාසලට එනවා තමන්ගේ බලය පාලනය කරගන්න හැටි ඉගෙන ගන්න. එයා මේ පාසලට එන්න හේතුව නම් මං කියන්නේ නෑ. මොකද ඒකත් කතාව බලන ඔයාලටම දැනගන්න පුළුවන්නේ. තව මේ බ්ලූම්ට මේ පාසලේදී යාළුවොත් මුණ ගැහෙනවා. ඒ එක්කම හොඳ හොඳ වැඩ ටිකකුත් සිද්ධ වෙනවා. කතාව ගැන ඔක්කොම විස්තරේ මෙහෙම කිව්වාම කතාවේ රසය නැති වෙන හින්දා.. මේ කතාවත් බලන්න Upasirasi.com වෙබ් අඩවිය එක්ක එකතු වෙන්න කියලා ඔයාලගෙන් මම ආදරයෙන් ඉල්ලනවා.

හැමෝටම සුභ දවසක්!! ජය වේවා!!