Salute (2022) Sinhala Subtitles | සිංහල උපසිරැසි සමඟ

දකුණු ඉන්දියානු සිනමාවේ සුපිරි නළු Dulquer Salmaan ප්‍රධාන චරිතයට පණ පොවන ලද, ප්‍රේක්ෂකයින් කුතුහලයෙන් ඇඟිලි ගනිමින් බලා සිටි අපූරු Crime, Thriller සහ Mystery ගණයට අයත් තවත් සුපිරි චිත්‍රපටයක් තමයි Salute කියන්නේ. 2022 වසරේදී ප්‍රේක්ෂකයන් හමුවට පැමිණි මෙම චිත්‍රපටය, නිකුත් වූ දවසේ සිටම සිනමා ලෝලීන් අතර ලොකු කතාබහකට ලක්වුණා. Action සහ Drama අංගවලින් ද අනූන මෙම චිත්‍රපටය තුළින් ප්‍රේක්ෂකයන්ට වෙනස්ම ආකාරයේ අත්දැකීමක් ලබා දීමට නිර්මාණකරුවන් සමත්වී තිබෙනවා.

මෙම චිත්‍රපටය සඳහා Dulquer Salmaan සමඟින් Diana Penty, Manoj K Jayan, Lakshmi Gopalaswamy සහ Saniya Iyyappan වැනි දක්ෂ නළු නිළි රැසක් රංගනයෙන් දායක වී තිබෙනවා.

කතාවේ මුලික හරය දිවෙන්නේ දැඩි කැපවීමෙන් සහ අපක්ෂපාතීව වැඩ කරන උප පොලිස් පරීක්ෂක Aravind Karunakaran වටායි. ඔහු හදිසියේම බරපතල අපරාධ පරීක්ෂණයකට හවුල් වීමට බැඳී සිටිනවා. වයස්ගත යුවළක් ඝාතනය කිරීමේ වරදට Murali නම් කිසිදු වරදක් නැති අහිංසක මිනිසෙක් හිතාමතාම කොටු කර ගැනීමක් මෙම පරීක්ෂණයේදී හෙළි වන්නට පටන් ගන්නවා. පොලිස් කණ්ඩායම විසින් මෙම අහිංසක මිනිසාව අත්අඩංගුවට ගෙන පසුව මුදා හරිනු ලබන්නේ, ඔවුන් විසින් Murali හිතාමතාම මෙම නඩුවට පැටලූ බව හෙළි වුවහොත් ඇති වන බරපතල ප්‍රතිවිපාකවලට බිය වීම නිසයි.

නමුත් Aravind Karunakaran ඇතුළු පිරිසට මේ සිද්ධිය පිටුපස ඇති සැබෑ වැරදිකාරයා සොයා ගැනීමට හැකි වෙයිද? මෙම අසාධාරණයට ලක් වූ අහිංසක මිනිසාට යුක්තිය ඉටු කිරීමට ඔවුන්ට හැකි වේවිද? "LIES - TRUTH - JUSTICE" යන තේමාව යටතේ දිවෙන මෙම කුතුහලය දනවන කතාවේ සත්‍යය කුමක්ද යන්න දැන ගැනීමට නම් ඔබත් අනිවාර්යයෙන්ම මෙම අපූරු චිත්‍රපටය නරඹන්න.

ඔබ Thriller සහ Mystery වර්ගයේ සිනමා නිර්මාණවලට ප්‍රිය කරන අයෙක් නම්, මෙම චිත්‍රපටය ඔබට අගනා අත්දැකීමක් වනු නොඅනුමානය. එහෙනම්, සිංහල උපසිරැසි සමඟින් මෙම අපූරු චිත්‍රපටය දැන්ම නරඹා ඔබේ අදහස් අප සමඟ බෙදා ගන්න.